Bugun Xorazm viloyati Yangiariq tumanidagi 36-sonli umumta'lim maktabida "Salomatlik ko'ngillilari" tadbiri doirasida 5-11-sinf o'quvchilari uchun "Sog'lom oila nimadan iborat?" mavzusida davra suhbati bo'lib o'tdi.

Uchrashuv davomida o'quvchilar sog'liqni saqlash sirlari, xulq-atvor va axloq normalari, shaxsiy gigiena va ularga rioya qilish, shuningdek, ozodalik va tashqi ko'rinish haqida suhbatlashdilar. Har bir sinfdan tanlangan ayol ko'ngillilarga tegishli topshiriqlar berildi.

Tadbirda ma'naviy-ma'rifiy ishlar bo'yicha direktor o'rinbosari Sh.Erjonova, maktab psixologi F.Ruzmetova, maktab xotin-qizlar qo'mitasi raisi G.Karimova va o'qituvchi A.Jabborova ishtirok etdi.